Zotaang Construction & Trading Company Limited

Sezang Khuami USA a teng, Pu Gualnam suan Pa Thang Lian Pau(Zotaang) te innkuan in Yangon khuapi laizang ah June 13, 2013 (Thursday)  ni 6:00pmhun in "Zotaang Construction & Trading Company Limited" honna leh signboard suanna No. 260/262, 1st Floor, 40th Street, Upper Block, Kyauktada Township ah nei hi.

Company ii ngimna bulpi tawh kisai  in:
"Yangon khuapi pansan in Zogam khantoh nading ei mau mah in ih sep kul ta hi cih ngimna tawh company ki phuan a hihi. Inn/lei /lampi cih te eimau mahmah in ih lam ih sep kei leh kum tampi hong kinek tum sak mang khin hi. Tua ahih manin Zomi akua ma peuh hong zawn ing, Zogam a ding na sem khawm ni" ci in Zotaang in gen hi.

 Zum honna ah Rev Dr Pum Suan Mung,( Church Pastor, Jireh Baptist Church) leh Rev Suan Khan Lian@Lianpi (GS Central ZOMUS, Yangon) te makai hi. Tua hun sung ah Tedim Association, Yangon pan Secretary Steven Cin Za Khai, Vice President Pa Kap Khen Pau,  Momno editor Lia Niang Theih Kim@ Kimnu  leh Tg Pau Kim Tuang, Zozum pan Pa Khup Mung leh sanggam u le naute tawh vekpi mi 30 val te in va uap thei uh hi. Zum honna a man khit ciangin nitak an  limci mahmah innteekte in hong pia hi.

Zotaang innkuan ii nasep nasa tawh kisai a theih huai thute anuai a bangin a tom in kong suaksak uh hi.

Zotaang Innkuan  pen tanu 1 leh tapasal 6.tawh inn kuan 9 pha  hi.
1. 1986 kum in Zotaang Express ci in hilux leh Dyna  tawh mandalay Kawlpi/Tedim/Tonzaang mawtaw line phuan hi.

2. 1988 kum in Zomi Video "Thuammual pan itna"(love From Moun't Kennedy) hong zaih hi.

3. 1995 kum in USA tung aa,2010 kum march kha sung  in, Zotaang Enterprises Inc company min tawh,Master Car Wash hong phuan hi.

4. 2012 kum June kha in, Zotaang Innkuan LLC min tawh, Asian Market hong hong hi.

5. 2013 kum june kha in Yangon khuapi ah Zotaang Construction & Trading Company Limited hong phuan khia hi.

Thupuak,

Momno Editorte

Views: 199

Comment

You need to be a member of Zomi Community Network to add comments!

Join Zomi Community Network

© 2017   Created by Zomi Social Network.   Powered by

Badges  |  Report an Issue  |  Terms of Service