HUN HOIH LEH HUN LIIM CII HONG NGAH SAK TOPA MIN IH PHAT HI.

Changed Climate In Zomi ih gen ma in LST mun Thilhkikna 28 :13-14 sung aa Pasian kam mal sik san leng ka ut hi.
hih LST sung ah bang ci hiam cih leh ,no te pen a mei lam na hi kei ding uh aa,a lu lam kong hih sak ding cih leh a nuai lam  kong om sak kei ding aa  a tung lam kong hi sak ding cih thu Pasian kam mal ahih man in ih up ngam na tan2 in Topan nang hong sek ding a hi zawhi.

           Pasian in ih Zomi sung ah ih nun tak khua sak zia leh khua hun hong khel khit sak pawl khat leh hong khel sak laitak leh hong khel sal lai ding tetom no ki kum khawm leng ka ut hi.
      
( 1 ) Lei tung aa min thang mah2 University mun tuam2 te ah Topan Zomi pawl khat pil na leh a ma thu hong sin sak ta.
( 2 ) Lei tung a mun nuam khua thu pi sung ah Topan Zomi te zing vai hong hawm sak leh Mi vom mi kang te tawh an kuang 
hongumkhawm saksakta.

( 3 ) Tu makum (10-20) hun lai in mi te van pua leh nam dang te khut nuai ah ih hun tam pi bei mah leh Topan ei leh ei hong ki ma  kaih sak thei ta.
( 4 ) Ni dang in mi te nung zui ciang bek hi mah leng Topan Zomi te ma kai muan huai tam pi leh mi pil tam pi hong pia ta.
( 5 ) Ni dang lai lo lam pi khawng pan vanleng a khu sau mah2(747)thatnih ih muh2 te tungahTopan Zomi te tua van leng tung ah 
hong tuang2 sak ta.

( 6 ) Ni dang hun in mi hau khual zin(Tourist) te lup na ding ih bawl sak2 lup na hoih mah2 te tung ah Topan Zomi tehong lum2  sakta.
( 7 ) Ni dang hun aa lup sa khawng aa ki sil cih khawng ih gengen ngei aa,Topan tua ki sil na hoih nono ni sim in hong zang sak ta.
( 8 ) Ni dang in sawl bawk peuh,sing bul peuh bel in dai lengleng ngei te Topan tut hit thiat sa in hong zang sak ta.
( 9 ) Ni dang hun in lo ah leibee(Peanuts)te ih ciin2 hang sa thau kham zo lo te hi mah leng Topan Zomi te nek zawh loh na mun 
thu pi ah hong puak ta.Rv,Go pu

( 10 ) Ni dang in bawng te ih khawi2 hang bawng nawi te kham zo lo hi mah leng Topan tui zat aa zat na mun ah Zomi te hong puak  ta.Rv Go pu
( 11 ) Ni dang aa Zotu tawi2 na khut te ah Topan cell phone hoih nono te leh van hoih nono te hong tawi sak ta.
( 12 ) Ni dang in mawtaw(Car)muh ding na tawm a baih loh hang Topan Zomi te mawtaw  hoih nono te hong nei sak leh hong hawl 
sakziah2 ta.

( 13 ) Ni dang lai Phalbii hun khua vot hun in zan puan ki tuh2 te hi ngei mah leng Topan zanpuan hoih pen ,a lum pen leh anel  pen2 te hong silhsak denta.
( 14 ) Ni dang hun in lo kuan ding in puan hoih lo pen2 teng ki man den mah leh Topan ni sim in puan siang vive leh ahoih pen2 te
        
tawh na sep hong kuan sakta.

( 15 ) Ni dang in khua pi sung aa pai te ki eng ngei mah leh Topan tua khua thu pii pen na mun ahmun hong pia ta.
( 16 ) Ni dang hun in nam dang te mel hoih dante video sung khawng pan mu zel mah leng Topan Zomi sung ah zong mel hoih 
nono hong pia ta.

( 17 ) Ni dang hun in sa mehnek hun ding khua do ciang bek ki sa kha ngei aa Topan ni sim in duh leh hong nei sak zota.
( 18 ) Nun tak zon na,Sum zon sum zuak na ding,Company  mun hoih nono te Topan Zomi te tua mun ah hong helzota.
( 19 ) Ni dang in guah tui peuh,a siang lo tui vive ki dawn den hi mah leh Topan tui lim ci penpen te mun ah hong puak vingvengta.
( 20 ) Topan zomi te sung ahpil nalam,hauh na lam,ciim na leh tei na bang kim ah Zomi leh Zomi mah ki ma kaih zo ding inkhua 
hong mu sak ta.Hih khua hun hun hoih sung in ih tup na khat peuh peuh lung kia lo in Topa mit suan kawm in kal ih suan nak leh Topa aa ding a hak sa khat beek om lo hi.Topan hih thei veh lawm.


          Hih teng ka gen teh ki sak theih na hih het lo hi,Topan ni dang aa mi zawng pen 2 te hih bang in hong lam sang Zomi te ih suah theih pen ka lung ngaih teh Topa hih theih na ki ciang tan lo ih cihcih pen ka phawk san2 aabang zah tak in phat taak hiam.Hih zah ta aa thu pha hong pia ding sa leng a bei sa aa ka phat na te ka hawm thawhthawt maihi.
         Tua ah hih man in hih Changed Climate In Zomi sung ah a ki hel zo nai lo nang leh kei ih ki hel zawh naang leh na khang gui khut tung lum let aa hong khel thei pa nei ih hih man in lung kia het lo inngak in han ciam in zong leng Topan lam pi,zawi tam pi nei hi, nang na ngah,na zong kei zong in hih thu pha te Topan mi nam dang mi te tung ah pia veve ding aa nang na zon leh na cih tak aa Topa mai pha na zon tak pi leh Topan thu pha ngah mi ci in na khang gui hong khel tak pi ding hi.
        Zogam aa ih nun tak lai thu leh ih khan khiat na thu tawh ki tuak in Zomi te tu in lei tung mun thu pi khem peuh ah Pasian na sem tawh a teng mi tam mahmah tahi.Topan Zogam puah hun ding hong piak kik teh hih mi pil mi siam leh mi hau teng in Zogam puah kik ding aatua ni tak teh Zogam ni bang hong tang kik pan ding hi.Tun Zogam puah ni ih cih hang Pasian in Zogam puah hun ding hong pia nai lo hi.

Hun liim ci Pasian in hong piak kik teh (Pasian teelna,sapna aw na za ngei hiam aih keh bang zah vei na za khin ta hiam)cih thu ih ki kum kik leu2ding hi.thu nget na ah ma pang khawmzel ni.

By Daniel TKSian.US



.

Views: 37

Comment

You need to be a member of Zomi Community Network to add comments!

Join Zomi Community Network

© 2017   Created by Zomi Social Network.   Powered by

Badges  |  Report an Issue  |  Terms of Service