Malaysia 6P tawh kisai galtaite ' theih ding thu pawl khat:


  1. UNHCR i makaihna tawh aki bawl ding kumpilam ah khutmal mekna pen "6P" kici nawnlo ding, kici nawnlo hi. "6P" pen P vive aki gawm (6) hi a, tua pen Malaysia gam ah nasem din in a pai ngiatte a ding bek ahih man in galtaite' a ding in tua program, tua laidal, tua form, tua min kizang nawnlo ding hi.
     
  2. "6P" ci-in hong kigen khak limlim leh galtai ciaptehna a ut khat, galtai khat in bawl khak hetloh ding thupi ding.
     
  3. Nasepna (employer/ boss) te in na bawl kei leh nasep hong kikhawl sak ding acih zenzen leh UN zum a EST department ah zasak huai ding hi (014-2318622). UNHCR tawh akizom khin, minsanna a ngah theite nasepna vai ah buaina khat peuh, sum ngahlohna, nasep siauh nopna a kipan huhna khat peuhpeuh akitangsamte in a tung a UNHCR sung Employment Survey Team (EST) ah kipawlna tungtawn ahi a, mimal min tawh ahi zong in huhna kingen thei hi. UNHCR card bek na neih man in nasep hong kikhawl sak sawm leh zong na nasepnate tawh a tung a phone manmbat hopih sak in.
     
  4. UNHCR i vaihawmna ahi khutmalte menading ah sum bei ding omlo hi. Sum bei nading in ong ki vaihawmsak sawm leh kizom kha kei in. UNHCR tawh kizomlo a pualam (agent) te hi khading uh a, sum bawlna kawm uh hi kha ding hi.
     
  5. Khutmal mekna ding ah UNHCR i vaihawmna lo, a pualam mun khat peuh, nasepna mun khat peuh, mimal, company khat peuh in hong bawl sak sawm tentan lah peel inla, a ngah kei leh UNHCR ko in. Zumpi aki hopih theih ke leh kipawlnate (community khat peuh) kiang ah zasak in kikup pih in.
     
  6. Tu ciangciang khutmalmek a min lakna, mimal ciaptehna pen Malaysia kumpite' a ding ahih hang in, UNHCR card a ngahsate, a ngahsate' innkuanpih (DS) te bek hi phot ding hi. Mailam ah mi khempeuh in khutmal mekna neih kul ding cih thu zong hong om toto thei himah ta leh, hih lai a kigelh lai tak ciang dong pen, UN ngah khinsate be ding hi lai phot hi.

Views: 91

Replies to This Discussion

hoih hi..pha hi ..lungdam mahmah ei..

RSS

© 2017   Created by Zomi Social Network.   Powered by

Badges  |  Report an Issue  |  Terms of Service