ZOCIA Kum 10 cin lopna: Zomi ICT Update Newsletter hawmkik ta ding

Zomi sung ah sep pih lawm leh gual a kuamah peuh,

 

A beisa kum 2000 lai (Y2K) hun lai a kipan in Zomi Computer and Internet Association ci-in ZOCIA Network i kipan a, tuin kum 10 a cing hi ta hi. Kum 10 cinna pawpi i kham zawhloh ding hang in, i maban sa lah ahi, mipi ki tangsap leh hong nget
uh lah ahi IT News, Tips, Tricks and Review tuamtuam te
Newsletter tawh a beisa 2000 a kipan suak sak ngei, tua ciang tawm khat
tawlnga in 2005 in kipan kik leuleu hang a, tu laitak in i tawlngak
laitak ahi hi.

 Leitung khantohnate in hong deep ta a, Computer leh Internet zang Zomi zong tampi mah ki pha behta ahihna tawh kizui in, i laihawm ahih a thak in, i ZOCIA Kum 10 cinna muakna leh thaksuah sakna in hawmkik ding
lunggulhna om hi.

Tua a ding in sum leh paai tawh ahi zong in, information sharing ahi zong in, design skill a kipan, siamna khat peuh a kihel nuam i om leh kikum khawm to ni.

Tampi theih ding kisam tuanlo hi. Sum zong tampi piak khiat ding kisam masa lo hi. I neih sunsun tawh kipat theih hi a, i theih sunsun teng kawikhawm ciat in, gawmkhawm leng newsletter dal (4) ai ciangciang
cing baih mahmah lel ding hi. A masa in PDF tawh hawmsawm in, i sep zawh
leh, a nihna ah laidal tawh leitung gam khempeuh ah, a deih leh a sim
nuam teng kiang ah hawm khia cih dan in vaihawm ding hi hangh.

 

HIh tawh kisai ngaihsutna leh deihsaknate kikum khawm ciat lai ni.

Views: 131

Reply to This

Replies to This Discussion

Zomi IT lam khantohna pen midangte sang in ki niam zaw hetlo hi.

Kum 2000- Y2K a kipan in Zomi Computer leh Internet Association kipan cih pen

Pasian' thupha hi. Kum 10 cinna ding in vaihawmna a om pen hoih mahmah hi.

Hanciam ciat ni ei guai!

Dear Seppih mimal khempeuh,


Tuni khabei, kumbei hi ta in, mai Saturday/ Sunday bang ah hawm thei leng ut ta hi hangh.
Tua ahih man in kei lam pan zong ka hun pen tu weekend hong pia zo ding kahih man in,
i vek in i mapan khop theih na ding in i sep khop theih ding khat hong zawn nuam leuleu ingh.

I Newsletter ding a tempalte or a design pen bang dan, koi zang ding ihiam cih khat keima tumtak
in kana ngaihsun sun hi.

Ei lak pan in a design hoih i sak ciat ong suai unla, tua pen gawmkhawm or tua lak pan a tamzaw in
hoih i sak khat teel in zang leng cih hong cial nuam ingh.

Tua ahih man in i Zomi ICT Update design pen i omna ciat pan design bawl in hehpihna tawh Sunday a nunung pen in
nong khak thei uh diam ci in ong ngen nuam ingh.

Tua pan in a lai ding zong tutung a issue kik masa ah hoih isak teng kaikhawm ciat in, a link or information, news item
ong khak ciat ta un.

Zomi leh Zogam a ding in, ZOCIA ah na sep pih uh,
Newsletter i man ciang i ZOCIA Main website ahi, http://www.zocia.org
ah zong a download theih ding in hanciam sawm ni.


Lungdam.


Lawm Sianpu
Thupi lua ei. Hong hanciam un. Sep pih theih a om leh ma pang khawm ni.
Hong bawl mengmeng un ngaklah mahmah hangh ei.

Bang ci nasa hiam?

Na ngaihsutna hong pulak ve?

Zomi te pen midang te sang IT ah kiniam zaw lo a hih ban ah mi namdang te dem kul sa lai ing. bang hang hiam cih khat leh nih ih siam bek tawh mi tung ah a ki tuang hi lo in... Zomi tampi mah a siam ciang Zomi te khangto, siam hong ki ci zo pan hi. ei leh ei ki dem kei ni. ei leh ei ih ki dem sawm leh khial ding hi hang. ki haza ding, kigen sia ding hi hang.. Mi namdang te dem sawm ni .. IT lam ah Quality a nei mi Quantity tam sawm ni ci in zong hong han thawn nuam ing....lungdam

Reply to Discussion

RSS

© 2017   Created by Zomi Social Network.   Powered by

Badges  |  Report an Issue  |  Terms of Service