Zangkong ah Khuado Kibawl ding: 
Dear Muntuam Gamtuam A Teeng Zomite,

A munkhempeuh ah ih Zo Ngeina pawi thupipen ahi KHUADO pawi gim hong nam ciai-ciai ta hi! Tukum pen nasia phadeuh ding hi, a hang pen Kawlgam, Zangkong khuapi-ah Zomi khempeuh kipawl in a masabel Khua Do pawi kibawl ding cih thu, Tedim Association kipawlna makaipi President Pu Dr. C. Thang Za Tuan tungpan thu zaksakna kong hawmsawn hi. Original Letter-head zong attached file pan na simsak hamtang un. 

*Attachment kisim theiloh nakhat a om leh ci-a, a nuai-ah a thu ong teikhia sawn ing. Hehpihna tawh a kuamapeuh kizasaksawn in thungetna tawh ahizong, sum le paai tawh tha i piakciat nading zong kong zawnpah hi. 

________________________________

A THU: TEDIM ZOMI KHUADO PAWI 2011 VAIZAKSAKNA

Tuhun ciangin a khuahun paidan in Biakna thu, Gam thu, Sumzon paaizon nasep thu leh minam aading ahoih nasep thute (Special Occasion for Social Advancement) ah kipawl theih ding athupi mahmah ahihlam kiphawk semsemta hi. I kipawltheih kei leh mi nuai-ah ih omding zong kitel tekta hi.

Tua hi-a Kipawltheih, kipumkhat theih na'ng lam-etna tawh tu-in zong Tedim Association makai in Zangkong ah om Tedim Zomiteng in kipawlkhawm a "Amasa bel Khuado Pawi Bawl khop ding' kithukim hi. October 29, 2011 (Saturday) ni in Yangon Baptist Headquarter MBC Memorial Hall ah bawl dingin September 3, ni Pawl khempeuh kikhopna ah kikhensat hi.

Tua ahih manin eimi sungpan thupha a sang phadiak a, Pasian tung lungdam pihna in ahi-zongin, Nu le Pa, U le Nau te phawkna ahizong in atuam vilvel in huhna a pia nuamngiat (Special Donor) i om leh kilawm kisa in lungdamna tawh kisang ding hi cih thu Kawlgam leh leitung gam tuamtaum aa om Tedim Zomite kong za sak uh hi.

Hong piatuamte in na deihna uh leh Thuphapiak thungetsak ding thu zong hong theisak pah un. Anuai a min kipulakte khatpeuh tungah hong puak un.


1. Dr. C. Thang Za Tuan, President Tel. 212 533 email: thuphagah21@gmail.com
2. Steven Cin Za Khai, Secretary, Tel. 388 389 email: neversaydie2100@gmIL.com
3. Pa Kap Khen Pau, Treasurer, Tel. 252221, Cell. 094 302 5229
____________________________________

*Dotnop a neinuam ih om leh hih a tunga kipulak makaite tung-ah direct in kidong thei hi.


Thu/Lai hawm sawn,
Tg. Cin Hau Mung
Portland, OR

Views: 71

Reply to This

© 2018   Created by Zomi Community Network.   Powered by

Badges  |  Report an Issue  |  Terms of Service