A 64 Veina Zomi Namni (Zomi National Day) Singapore ah nuamtak kizo

Zomi Innkuan (Singapore) inntek in A 64 Veina Zomi Namni nopcitak in kibawl hi.
Feb 20 ni pen Singapore a te a ding in holiday hi lo a hih man in nasep/sangkah man khit ciang in inn bang nawn lo in biakinn kidelh ngeingai hi. 7 pm pan in Pu Pau Khan Khup te innkuan thu siamna tawh
viamim huan, zasa leh sing+mawngphalkan kine ziahziah hi.
Zomi sung ah lasa minthang a hih ban ah Zomi leh Zogam a it mahmah lasiam Thawn Kham, Cingsan & Thangno leh Khaipi (Banzaal) te hong kihel thei uh in lasakna 
tawh mipi hong thalawp sak mahmah khit uh ciang in Pu Hang Khan Lian in ZND special thugenna kicing tak in hong nei in mipi ki dai khipkhep hi.
Zomi, Zogam, Kawlgam leh Leitungbup a ding thungetna Rev Nang Sawm Piang in hong makaih khit ciang in Thangho leh Liando Lam  tawh mipi kilam ngeingai in nuam kisa mahmah hi.
Rev Vungh Suan Kham thupha piakna tawh hun nuam tak in kizo in a ut khempeuh man (photo) lakna ki nei ngeingai hi.
Lungdam kohna:
- Lasa Thawn Kham, Cingsan, Thangno, Khaipi leh music tum khempeuh
- Biakinn hong zepsak khangno te
- An (vaimim) hong huan sak khangno te
- Video leh man (photo) hong laksak te
- Thugen, hunuk, thunget hong makaih khempeuh
- Hong kihel mimal khempeuh
- Hih lai a sim khempeuh
ZIS Media leh Communication
Video highlights: 

More Information: www.zomiinnkuan.org

Views: 82

Comment

You need to be a member of Zomi Community Network to add comments!

Join Zomi Community Network

© 2017   Created by Zomi Social Network.   Powered by

Badges  |  Report an Issue  |  Terms of Service