TEDIM ASSOCIATION i makaihna tawh Zangkong Khuapi ah Khuado Pawi Kibawl. A nuai a mun ah TA vai tomkim tak in hongki suahsakna (c&p) nana et sak un.

TEDIM KIPAWLNA, YANGON

Regd, No.1892/2004

A KHATVEINA TEDIM-ZOMI  BUP KHUADO KHOPNA PAWIPI

PAHTAWINA KIPIA ZOMI THUPITE,

TEDIM  KIPAWLNA THU  THEIHHUAI NONO

LEH ADANGDANGTE

Sanggamte aw, note khat le khat  kithutuakin, pawl kikhenna omkha lo-in,

na lungsim, na ngaihsutna uh leh na ngimna uh na kikhatsak un. I Cor.1:10

MBC Judson Memorial Hall                29-10-2011 (Saturday)

 ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

 2011 KUM   ZANGKONG  TEDIM-ZOMI BUP   KHUADO  KHOPNA

MBC  Memorial  Hall, October 29, 2011 (Sani Ni)

TEDIM KIPAWLNA BANGKUAPI(Patron) PU COL.KHEN ZA MOONG  THUGEN

 

            Tedim Kipawlna makaihna tawh  tuni aa Zangkong aa om, Tedim mi Pu leh Pi, Nu leh Pa, U leh Nau, Tu leh Ta, Lawm leh Gual, kikhawm aa, omkhawm aa Khuado pawi ih bawlkhop, Pasian Thupha hi in, Topa Jesuh Khrih tung tawn in Topa Pasian tungah lungdam ih ko hi.

            A vaihawmte leh kikhawmte khempeuh Khuado Kumthak  thupha tawh kidim ta hen la, Ki-itna, Ki-lemna, Cidamna, Lungnopna, Sepna Bawlna zawhna, Topa Pasian in hong pia tahen ci-in thu ka ngen hi.

            Hih bang kikhoppi hunpha la in thu khat kong gen nuam hi.

            Tedimmi kacih ciangin khatvei lai aa Tedim Vuandok gam, tulai aa Tedim Township leh Tonzang Township tegel kacihna hi. Tu lai kam aa Zomi kicite Tedimmi aci ka hi hi.

            Zomi cih pen, Kawlzang pan aa Ciimnuai ih tun masakna mualdawn lam zo lam mun zui aa Zomi kici hi ding hi ci-in ka ngaihsun hi.Ciimnuai pan zuatna min zui in ih kikhen hi. Thado leh Zo ten saklam manawh hi. Thado ten Kawlzang pan aa min nei suak in, Zo ten Zo min pua in Zote kici hi ding hi cin ka um hi.

            Falam leh Haka lamte zong, tun masakna min zui in Laimi kici hi. Minam min zui in min tuam tuam in ih kikhen hi. Vekpi ki-lawhna min khat ih nei kei hi. Kawlte hong lawhna Chin bek om hi. Ciimnuai pan aa kikhen minam tuamtuamte, gal zawhna, gam kekna, gam ukna leh nuntakna khantohna hangin, Tedim ah kikhawm, om khawm in Tedim khuapi khat a suak hi.

            Mangkangte hong tun ciangin Tedim gam Vuandok gam khat in hong bawl hi. Tedim mite zong ki thei, ki khawl, om khawm thei in leitung nuntakna khantohna ah zawhna nei khawm thei uh hi. Suahtakna ngah dong Tedim gam kip hi. Tua hang aa Tedimmi kammal zang ka hi hi.

            Zomi cih pen Tedim kammal hi in, Tedimmi cihna lah hi aa Kawlte hong lawhna minam buppi min Chin taangin zong kizang hi. Ki-theih khialhna piang thei hi. Falam Haka Matu Mindat Kanpetlet Paletwa ten, amau min tek nei ahih man in ei Zomi min hong sang lo uh hi.

            Chin pen, Kawlte hong lawhna bek hilo in, Kawlgam sung bek zong hilo in, leitung gam tuamtuam ah, Chin in hong kithei hi. Deih in deih kei leng Chin pen ih zat loh aa piang lo hi.  Chin taang aa Zomi ih zat-nop huhau in, kitheih khialhna leh kilemlohna tampi hong piang sak hi. Chin min leh Zomi min zatsiamna ding, tuni in hunpha la in kong gen hi. (New York khua aa Do Khan Khup thu gen, hoihsa in kong sim hi. Copy attached).

                Zomi kici Tedim mite, kithei kikhawl semkhawm in, Kikep Kihuai Kipanpih siam in, Ki-it Kilem in, sepna bawlna khempeuh ah, Pasian Thupha sang zo ta hen ci in thu ka ngen hi. Mangpha man ni.           

                                                                                                            (Attached Paper)

Do Khan Khup, New York, in February 13, 2010 ni in “The Seven Myths about Zomi and Chin” ci-in Thumaan leh maanlo kithei cianlo tangthu dan pian in a pulakte “Zomi leh Chin” min zatna ah ngaihsuthuai thute hisa in ngaihsut beh a kikup dingin kong pulak sawn hi.

Myth 1: Zomi cih kammal pen ei sungteng (local) ah i zat hibek a, Chin pen Kawlgam sung leh International ah midangten hong theihna ahi hi. Asho, Laimi, Cho, Mizo, Zomi, etc. cih level hi.

Myth 2: Chin hi ung akicite in Chin min zangin human rights, politics leh forum tuamtuam ah a sepnate uh lawhcing a, lamzang mahmah uh hi. A masa dingte i masak ding hi a, a nunung dingte i nunun ding hi. Tulaitak Zomite i masak ding i minam min Zomi vai hilo a, Chin min mah tawh International Community i lunglutna, deihsakna leh huhnate i zon, i ngah zawh nang hahkat ding hi zaw hi.

Myth 3: Kawlgam, Zogam, UN te ah Chin pen official name in hong ciapteh sak khin zo uh hi. Zomi hi ung cici in Zomi Baptist Convention (ZBC) taisan khin lailai.

Myth 4: I Zogam ah ei leh ei i ki uk ciangin i deih bangbang in khek thei ziauziau ding hihang. Tulaitak Chin leh Zomi vai buai ding hipeuhmah lo hi.

Myth 5: Tuhun pen kikhen hun hilo in kipumkhat hun hita hi. Zomi bekbek acite muhna tom, ngaihsutna kawcikte hi zaw uh hi.

Myth 6: Mi tamzaw in hong saan theih naang pen ei Zomi a ut teng in mitawh tuiluan bangin luang khawmphot limlim masa leng. Chin mah zatpih photphot masa leng.

Myth 7: Chin leh Zomi min tawh i buaibuai aleh i khantoh nading kal khat ziakai ding hihang. A min buaipihlo zaw in athu lam ah buai zaw leng mailam hizaw tading hi.

-Col. Khen Za Moong

*********************

BANGKUAPI (Patron)  Rev.Dr.  GO ZA KHAM’  “LUNGDAM THU KOHNA”

            Tu ni-a Tedim Kipawlna  kikhopna-a hong pai thei U leh Nau khempeuh tungah lungdam hong ko ing. A thu dang haksatnate gen ta kei leng, hi bang kikhopna sunga pai theih nang hun haksapi hong suak ta hi,

            Hih I Tedim gam sung Kipawlna pen  kum tampi hong hi khinta a, I sep zawh dinga kilawm na pawlkhat  mah  kisem zo hi. Vaihawm nasemte hong kizen thei mahmah uh a hih manin amau tungah lungdam kako hi.

            Hih Kipawlna pen I minam a ding na khempeuh ah “ Awl Mawhna” th khat bek hang hi a, na khempeuh I awl mawh zawh leh. I ki-itna, I kipawlkhatna, nam khat kampau kikhat I hihna hong hat semsem dinga, na khempeuh ah lungdam huai bek hi lo-in, hong lungkim huai mahmah ding hi cih hong theisak nuam ing. Ka lung dam hi.

-          Pu Go Za Kham

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

 

2011 KUM   ZANGKONG  TEDIM-ZOMI BUP   KHUADO  KHOPNA

MBC  Memorial  Hall, October 29, 2011 (Sani Ni)

TEDIM KIPAWLNA MAKAIPI’ MAIMUAKNA THUGEN

Guai   

            Tuni a Zangkong a om ei Zomite khempeuh in Khua i do khop liailai theih lungnuam mahmah in Topa min phat masa hang. Hih Khuado khopna ah a zo ding a ong pai  Pi le Pu, Nu le Pa, U le Nau, Lawm leh Gual, Zomi khempeuh tungah I biak Pasian, hongsiam Khuaziing Khuavaak in naci nalu uh damna, lungnop-maitaina,  kipahna leh nopsakna ong pia kim ciat tahen ci-in Zangkong ah om Tedim Kipawlna tawh akalsuan khawm, Biakna Pawlpi khempeuh leh Kipawlna tuamtuam khempeuh aitang in mai muak in thupha tawh kong dawntuah masa hi. 

            Ei Zomite aneu alian in kum khat sung nop i sak pen leh i ngaklah pen in Khuado  hi. I ngeina pawipi hi. Kumkhen pawi  leh Sawm vok gawh zong i ci hi. Anlak pawi (Feast of Harvest-Kaukthit sa pwe) zong akici thei hi. Minam tuamtuamte in zong amau dantek in Kumkhen pawi a nei ciat uh hi. Tukum in Zangkong ah om Biakna Pawlpi (77), kipawlna tuamtuam (12) leh innkuan 1500 val kipawlin Khua i do khop theih manin lungdam mahmah hang. A masa pen khua i do khop ahihman mailam ah zong zom toto thei dingin i lam-en pah hi.

 

Banghang in tukum in Khuado khawm nuam zenzen ihihiam?

            Khua zui, Beh zui, Biakna Pawlpi zui leh Kipawlna tuamtuam zui in i ngeina pawipi ahi KHUADO PAWI  pen ei Zomi te in i tuntun na a gamgam a munmun ah i bawl ciat hi. Ahizong in tukum in Zangkong Khuapi ah kipawlkhawm liailiai a i bawlna ah ih deihna bulpi leh lunggulhna atom in hih bangin kong pulak nuam hi.

1.      Tanglai in khua khat ah teengkhawm  I pu i pa te in zong kipawl khawm in khua ana do khop mah bangun ei Zangkong ah ateeng khawm khateng in zong khatvei peuhmah munkhat ah khuado khawm in kimu, kithei, kikhawl, lam khawm in ankuang umkhawm peuhmah lehang cih lunggulhna leh lungsim kituah diamna khat i neih tekna hang,

2.      Tanglai in Sialcing naupangte, sawmtangvalte in zong Makaite cih bangbang mang in galma, sama, donghtuahnate leh nopsaknate ah ana phutkhop uh mah bangin mailam ah thu leh la khat om leh eimi peuhmah kimakaihna khat peuhmah neihkhop nading  i lung gulhna hang,

3.      I tu i tate ahi i muan i suan ding khangthak i tate in  i la, i lam, i dan akipan i ngeina hoihte musak, theisak, lunggulhsak, thalawp sak, zangsak, siamsak nopna hang,

4.      Zomi khempeuh ahuamkim in “Tedim Kipawlna” i neih zawh 2005 kum nungsang akipan in ei Zomi sung ah tulaitak in i gam i lei i minam atawisang, akilangsak zo Pilna sangpen (Ph.D) ngahzote, University ah Professor leh Kumpi nasepna ah za lian mun hong ngahte, Biakna, siamna tuamtuam leh deihsakna tuamtuam tawh ei Zomi leh Zogam hong kilangsak in ong tawisangte leh amau hanciamna ciat uh tawh in Zogam ana puahpuah a pahtak huaite ei mipi mai ah kilaak in kipahtawina khat neih nopna hang,

5.      I pu i pate in khua a do uh ciangin hong nusiasate’ kha leh mui zong avasap zawzen uh mah bangin tuni bang a Khua i do khopna ah ei Zomi sungah makaite, zalian madawk masa, hanmual hong liamsante khangthakte in amuhkhak ngei loh uh hangin zahtak huai leh pahtak huai ahihna uh thei in, zahtak piakna dan, etteh nopna leh masot nopna lungtangpuak a neih zawh nading uh deihna tawh tampi ngimna leh lunggulhna i neihkhop ciat man hi cih a tom in ong pulak ing.

 

Khuado pawi ii adeihna bulpi leh akipat kum leh kipatna mun

 

Zan lamin khangnote in ong dong thei uh a, ken hih bangin ka theihna bangin ka na  gen hi. Khuado pen atamzaw nithum kido hi. Anlak khit ahihman a Ni a Kha pen amun leh a leikiat tawh kizui hi. Kumpite in October kha Thadingyut khaliik ni leh ama leh anung ah ni khat tuak gawm ni thum hong ciangtan sak uh hi.

1.      Khuado la a i sak, “(a).Do na liingliing dona liingliing e, gual in kumkhua do na liingliing e. (b).Gual in kumkhua dona liingliing e Do han ah nau bang va kap tang e.

 (c). Naubang kap khau bang va ciah tang e, luankhi muantui tak na silsial e” ci ahihman Thangho leh Liando te hun lai pan Khuado  kipan  hiding hi. A nau Liando asih khit ciangin a U Thangho in Liando han ah a nau a ngaihluat man Khuado ni in vakap hi ngeel hi. Tua hun ma in Khua akido zongin a ciaptehna leh i matlapding i nei kei hi. Thangho leh Liando late Khuado la in i sa hi. Gtn. (a) Thangho leh Liando a Nu’n kuangpi akhupnelh a, anuai ah siallei asuak hi e. (b). Siallei suak albang adah manin Geeltui ah ni bang alun hi e.,…cih bang in la i sak man in amau hun in Khua kinak Do mahmah ahihlam kilang hi.

2.      Thangho leh Liando te Ciimnuai leh Geeltui ah teeng uh ahihman in Khuado masak pen Ciimnuai a i teen lai akipan hingeel ding hi. A kum in tuat lehang AD 1420 -1500 kikal khawng pan kipan hiding hi.

3.      (a) “Tukawl tawi kum khua I khen a ningzu khum leh aisa aw e. (b).Ning zu khum leh aisa aw e, khan kum sawt ciam laileeng e” cih khuado la sa in i neulai in i pate, i nute, i nite, i gangte sa kibak in zu kitulh uh ahihman kum khat sung i khawh i tuk, lo a piangte anthak lak khit, I khawi I vulh gan (vok) go in cidam tak a a siikha tawh adamlai te’n ankuang um neek khawmna ahingeel hi. Tua ahihman in “Zindo” “leengla do” leh ei leh ei anlimci pen pen tawh “akido, akinekhawm” (Festival) pi ahi hi.  Ki-it kingaihna, ki-awlmawhna kilahna pawi hi. Kum khen pawi, lungzuan pawi zong ahi pah cih a la in kilang hi.

4.      Khuado kipatma ni in maw, a kheekleh ni nitak lam in maw ”Kau kibeng” hi. (a).“Kum kikhen e solkha dang e, ziin in vangkhua zong hen aw. (b). Ziin in vaangkhua lam zong hen la, sian sung tuibang siang hen aw” kici la om hi. “Na zun na eek namsia, na khua na tui ah ciah in” ci-in innsung, innnuai gultawng akipan inn huangsung teng ah meilah de in tuga heiga leh ciangtawh khuamteng sat kawikawi in dawihang, kauhangte kibeng ahihman in “khuasiansuah pawi” zong ahi hi. Dawi leh kau gilote zong “a do” “a hawlkhia” cihna zong ahi gige hi. I pu I pate a pil gige hi uh. Dawite a hingkheemzawhte hi uh hi. Lawm-anneek(Sialsawm) in Dawite khua leh tui,  i lote hong siam ding in zol in sam, sawng beng zaw zen. An laak khitteh hawlkhia kik bilbel, i Pu i Pate zong nasia mahmah sam uh ei. Kawlngian mah na zangkhin pah malam uh ei!!!

5.      A nithum ni in khuai kila hi. “Ka lo nawl aa khuai aw e, sim ngalthen aw, nang in kum khua na thei a ken dong.  Nang in kum khua na thei a ken dong, ning zu a ken dong, aisa a ken dong” ci-in khuaikhaak ki-en in mai kum ciang cidam ding, hau ding cihte genkholhna nei uh ahihman in Khuado pen Kumthak dawnna leh kumthak ading aisanna hun (horoscope)zong ahi gige hi.

6.      Hih Khuadona ah Thang Ho leh Lian Do te la leh la gualnuamte kisa, ngeina lamte ahi daaklam leh laam tuamtuamte kilaam in ngeina kepna ahih ban ah minam thupi ihihna leh i khantohna kilahna zong ahi hi.

 

A tom in:

Hih bangin Khuado ii a thupitna pen in ,”Khuado icih in anthak leh alimci pen sa tawh Zindona, Leengla dona, a sisate phawkna, lungzuanna, thupha kipiak lam-etna, khua a siasakthei a dawi akaute do khiatna leh khua siansuahna, ngeina kepna leh mailam aading lam-etna thupha dawhna hi” ci-in  khangthakte teltheih nading in atom thei pen in i pulak khia hi.

 

Kipahtawina Kipiakna ahang

 

            Leitung ah a khangto gamte in ami masa makaite zahtak piak siam uh hi. Kawlgam ah Kumpite in khat leh khat kipahtawina atuamtuam Independence ni in pia thei zeel hi. Ei Zomibup (Chins) te in Zo Minam Ni kum 50 cin kum 1998 kum in Yangon ah kipahtawina kibawl a a pahtak-huai mi (911) pahtawina Laipi kipia ngei hi. Tua nungsang in Biakna Jubilee tuamtuamte ah Biakna lam semte leh khanghamte kipahtawina kihawm zeuhzeuh hi.

            Tutung in Zomi min tawh akilo teng sungah ih Tedim Kipawlna in hong zawn in i vekpi in khua i do khopna ah pahtak huai 1948 kum nung Zomi hong laamsang leh a madawk phadiakte (hong nusiasate leh adam laite) leh 2005 nungsang in a sem laite i teel hi.

         Pahtawi huaite pahtawina piakna in Thupha ahihi    (Honor to whom honor is due) acih mah bangin pahtawina ateel Committee in a nuai a bangin tutung in teel in phtawina ih pia hi.

1.      A nungta lai leh hong nusiasa sungpan  I gam makaite leh Zogam hong tawisang madawkte

2.      Ph.D, Th.D Pilna sang (earned degree) ngahthakte (Kum 2005 nung sang in) leh 2011 kum Matriculation Examination  Laivuanna ah 4D tungsiah ngahte

3.      University a tuamtuam ah Professor ngah a sem laite

4.      Kumpi nasem zaliante (Assistant Director za tungsiahte)

5.      Biakna lam makai madawkte

6.      I Zogam ading amau hanciamna ciattawh a sem akilangpha diakte

7.      Amau siamtuamna te a hi Sumbawlna leh adangdang tawh in I minam hong tawisangte

 

Vaikhahna

            Khuado lapi ah “Do na liingliing…ci ahihman mailam ah dokhawm liingliing ni. Do na  lunglung…cilo ahihman in neuseek in do lunglung kei ni. Mailam ah nopcisak mahmah liailiai tetek ni. Zomto tetek ni. Tangzaisak tetek ni.

            Tedim Kipawlna i neihna in “Ih phattuam nang aa, Ki thei, Ki khawl, Sem khawm ding” cih lunggulhna leh “Kikep, Kihuai, Kipanpih siam ding” cih ngimna tawh sepding tupna ahihmah bangin khat leh khat ,ki mu, ki thei, kikhawl khawl  mah lehang khat leh khat ki-lunghimawhna leh ki-awlmawhna tawh ki-pumkhat tetek zaw ding hihang.

            Ki-pakta, ki-pahtawi zeelzeel lehang, ki-thalawp in kikhangto semsem thei zaw ding hihang  cih  i deihnate tangtung sak ni. Kikholhna, kipawlna leh sepkhopnate ah limcisak semsem  ding hihang.

 

a.      Ei teng khawlkhawm  a tuam om lo,  khuul a pian in  tong kilel leng  tun sung khat a   piang hi ngeingei e.

b.      Tun sung khat a   piang hi ngeingei e,   sanggam suahpih   laigui zawng   khawm hi ngeingei e.

 

Tuni in a kuamah peuh maitai lungnuam in, laamkhawm, nuikhawm, nekhawm, takhawm, gualnuam khawm liingliing  ZOMI te hidih ni ei guai!  Kalung dam.

  

C. Thang Za Tuan

Makaipi,

Tedim Kipawlna (Tedim Association)

 

2011  Kum ZOMI KHUADO PAWI AH PAHTAWINA PIAKTE

 

A.    A zahtakhuai upa Zomi lamsang Makai Masate

(A damlaite)

1.      Col. Khen Za Moong, Wunna Kyaw Htin, State Councillor(1974-78); People’s Attorney General Member (1978 -81); People’s Justice Member (1981 -85);  Naing Ngant Gonyi (First Class-1986); Zo Pasal puanten leh Numei niik bawl (1951); Chin National Flag leh Chin head-dress bawlkhia (1973); Tedim ading na tampi in zuun. Patron-TA(2004 pan)

2.      Lt.Col. Pau Khan Thang, First Pilot (1951), & Dy. Minister for Ministries of Social Welfare, Labour and Cooperatives (1980 -88)

3.      Rev. Dr. Go  Za Kham, EBC Mission Director (since 1978), leh Patron-TA(2006 pan)

4.      Rev.  Kam Khaw Thang, D.D;  Bible Translator, (LST alui leh athak hong guan khia masa, October 17, 1982)

5.      Col. Son Kho Vum, Chairman, Chin State Peoples Council (1985 -88)

6.      Pu Chin Sian Thang, Zomi sung pan Sitni masa pen (1970) leh ZNC Makaipi(1989)

7.      Pu Hau Za Nang Kim Lai,  Director of Forest  (Retd.1990), Zogam a nosuah kik nading singkung tampi suansak, khua tampi ah tuikhuk bawlsak, Kim Lai khua sat, Zogam ahu vinven leh khantoh nading  geelgeel den

8.      Dr.Sian Za Kam,  Director of Health & Chin State Health Officer asep sung in,  Zomi Nurse & Midwife Training mi 300 val paisak zo

9.      Dr.J.Suan Za Dong, Eye Specialist, Zominam puan Mipi zatzawh ding in a geel (design) leh a gankhia  sak masa (1966)

10.  Prof. C.Thang Za Tuan, Ph.D (Edn.)( Nov. 4, 2006) leh Deputy Director General of Education-(1999-2004) & Advisor (Retd. 2005);Excellent Performance in Administrative Field-Second Class Award (2003); Falam High School Diamond Jubilee bawlpih(1983); Kawlgam Education Promotion Programme (1998) ah Sang khempeuh at zat ding School Board of Trustees phuatding dan geel khia; General Science Curriculum & Textbook bawlkhia (2000)

11.  Pu Kam Lian Mang, Director (Retd.), Bureau of Special Investigation, Ministry of Home Affairs, Kawlgam  Thukanna zum ah eimi a zalian pen hi in Zomite vaan.

 

Hong nusiasate(Posthumous)

1.      Chief Thawng Za Khup, ATM Panglong Agreement Signatory (1947)

2.      Siavuan Hau Za Cin Pau, LMP, Zomi sung Siavuan masa pen (October 24, 1938); Siavuanpa akicih nak leh amah hi. 

3.      Captain (Major) Mang Tung Nung, 1947 Constituent Assembly member, KSVP (Khamtung Suahtak Vaihawm Pawlpi) phuan(1948) in Zo Minam Ni pian  nading makaipi khat; Chin National Organization-CNO ci-in minam itna  bulphuh in Naingnganzi Party phuan (1957 February 20)

4.      Lian Cin Thang, SDO, Hill Chin Students’ Union  phuankhia  (1947)

5.      Col. Dal Za Kam,ABRO, Colonel ngah masa pen (1948)

6.      Rev.S.T.Hau Go,  Falam, Hakha, Hualngo, Tedim Baptist Assopciations aphuat pih khit ciangin Zomi Baptist Convention phuan khia leh General Secretary sem masa (1953); President, Zo Education Board (1946)

7.      Dr. Sithu Vum Ko Hau, Ambassador masa pen(1955);Naing Ngant Gon Yi –First Class (1986); Zomi Leader & Scholar

8.      P.Gin Khaw Thang, Tedim gam Siapipa Minthang pen (1951 -57); Siapipa akicih nakleh amah kici hi.

9.      Wunna Kyaw Htin Gin Za Cin, BGM; HGP, Piada(1943) pan Vuandok suak  (1957); Vuandok Pa akicih nakleh amah hi.

10.  U Lun Pum, Cabinet Minister, Ministry of Land Nationalization (1958) & 33 Advisory Member(1968); Naing Ngant Gon Yi –First Class (1986)

11.  Thiripyanchi Thawng Cin Thang, ei Tedim-Zomi lak ah Menzi (Commissioner) masa pen (1958 -72) leh Thau License tampi piakhia pa; Lungduai mahmah leh mi hehpih thei phadiak a kiciamteh

12.  Major Son Ko Lian, Chairman, Chin Supreme Council (1962 – 72); Naing Ngant Gon Yi –First Class (1986)

13.  Dr.Vumson, Ph.D. Geologist; Zomi Ph.D ngahmasa pa(1969); Zo History laibu at pa (1986)

14.  Capt. Sing Khaw Khai, Party Central Committee-(1971-87); (Soldier, Politician and Pastor); Zo People and Their Culture (1995) Laibu atkhia pa

15.  U E K Kim Ngin, Chairman,  Chin State Regional Party (1977 – 88)

16.  Lt.Col. Khai Mun Mang, Chairman, Chin State Peoples Council (1981-85)

17.  Rev.Paul Thuam Thang, ZCLS Phuankhia  lak ah khat(1980)  leh Executive Secretary masa ,

18.  Tuang Za Khai, Major General (1984) Zomi sung pan Galkapmang zalian penpen; Naing Ngant Gon Yi – First Class (1986)

19.  Pa Vungh Cin Thang, Director of Education masa pen (1993)

20.  Sing Za Mang (Zingzaman), Vocalist & Composer in Burmese

21.  Kam Za Tual @ Sizang, Vocalist & Composer in Burmese

22.  Thawng Za Kim, Composer (Zolimtui)

23.  Tg. Vungh Za Pau, Zomi MOMNO phuankhia pa (1993)

24.  Rev.Dr. Zam Khen Thang-Computer Science tawh Ph.D. ngah masa pen-1972; Tedim Upa Kipawlna aphuankhia masa pa (1998-June)

25.  Pa Thawng Kho Zam, Tedim Kipawlna Kumpi tungah a siau makai pa (2000 )

 

B.     Biakna lam

1.Rev. Simon Pau Khan En, Ph. D, Principal, Zomi Baptist Theological Seminary, Falam (1974-77); General Secretary- Zomi Baptist Convention (1983-85); General Secretary, Myanmar Baptist Convention (2000-02) ; Principal, Myanmar Institute of Theology(2006 – 2010); Senior Pastor TBCY 1997 pan)

2.Rev. Smith Ngulh Za Thawng, General Secretary, Myanmar Council of Churches (2001 May -2005 Dec.) & Christian Conference of Asia-CCA (Hongkong) ah  Associate General Secretary w.e.f January 2006 za ngah.

3.Rev.Do Sian Thang,Th.D (Principal, ZTC, Falam & Convenor of Post Eden Drive First Council- Zomite Mailam Kum 100 khualna-2008  Conference bawl, Our People,Our Land  Mualsuang & Ciimnuai Mualsuang phut.

4.Rev.Dam Suan Mung,D.D, Full Gospel Assembly Founder (1987); International Zomi Evangelist hi in leitung gam khempeuh ah Zomite vaan kawikawi thei ( 1990 akipan) 

5.His Excellency Bishop Felix Lian Khen Thang, J.C.D, D.D ; Apostolic Nunciature za tawh Madagascar (1997-98), Bangladesh (1998-2001) leh Morocco gam ah 2001-2004); Zomi Bishop masa pen (2006), Bishop of Kalay Diocese (2010);

6.Rev.  Chin Do Kham, Ph.D (1998);  President, Leitungbup Zomi Kipawlna- LZI & ZIUSA; Founder & Director, Global Outreach and Community Development, USA (2008)

7.Rev. Gin Khan Khual, Ph.D (2003); General Secretary, ZBCM (1995-99; 2011- pan ) & Consultant,ZBCM (1999-2011); Director, Christ for All Ministry, England (2005 )

8.Rev. Do Suan Mung, D.D, Founder, Faith Baptist Theological College, Tedim (1986) & Faith Baptist Theological Seminary, Yangon (2003).

9.Rev. Khoi Lam Thang, M.A.(Linguistics), M.Th;  General Secretary, Myanmar Bible Society (2010 Feb. pan)

10.  Rev.  Yam Khaw Pau, Ph.D, Assistant General Secretary. Myanmar Council of Churches (2010 May)

11.  Rev. Zel Khaw Swan, D.D, Yangon ah Zomi Pastor sem masa pen (1982)

12.   Rev.Michael Chongluai, D.D, Evangelical Bible Seminary, Yangon ah Zomi  lak ah LST Sang hong masa pen (1986)

13.  Rev. Thawng Za Mung, D.D, Myanmar Biblical Christian Fellowship (1975); & Registration Permit from Ministry of Home Affairs (1984)   neihna tawh Zomite vaan.

14.  Rev. Jacob Kham Khan Mung, D.D,Christian Literature Center-CLC nei masa (1990)

15.  Rev. Kham Khan Khai, Zangkong Awging (1990) leh ZOLUS aphuankhia pa (1994)

16.  Rev.Job Nang Khaw Thawng,  Associate Pastor Tahan, Biakna lam laibu tam a gelhpen (Bu 100 kim); Damlo Laptoh Nasep (Handicapped Uplift Ministry-1998 October 17).

17.  Evan. Langh Do Khup, Zomite gamtat zuun leh etteh tak Video thupi (4) bawlkhia pa (2003 -2010); Khitui Gospel Ministries phuan (1994)

18.   H.Gin En Cin, D.D, Cope Memorial Press ah nasem masa (1964); ZIV-NIV Laisiangtho Ettonna leh Laisiangtho awsuah bawlmasa (2010)

 

C.    Sports (Kawlgam level)

(a) Hong Nusia khin sate

1.      Lang Khat Thang, Burma Selected Footballer (1960-65) & Hockey (1960 – 64)

2.      Hang Kho Lian, Burma Selected Footballer(1960 - 65)

3.      Hang Shing, Burma Selected Footballer(1960 – 65)

4.      Kham Suan Mang (Ni Ni), Burma Selected Boxer

 (b)  A nungta laite

1.      Mang Lian Sing, Burma Selected Tennis Player (2002 )

2.      Hang Khan Kap , Karatedo (2002 -2003)

3.      Zam Lun Khup, Myanmar Martial Arts- Myanmar Thaing, (2002 )

 

D.    University Professor/Associate Professor  ngahte leh a semlai teng

1.      Dr.Cing Hau Ciin, FRCP, FRACP, Zomi lak a Zato pilna sang pen

2.      Prof. Aye Aye Ngun, Ph.D. ( Prof.2001) History Dept. Western University

3.      Prof. Sing Khaw Neem, (Prof.2003) History Dept.,Yangon Institute of Education

4.      Prof. Nang Suan Kham, Ph.D.( Prof.2008) History Dept, Hinthada University

5.      Prof. Lian Za Khup, Ph.D (Prof. 2011) Philosophy Dept. Kyaukse University

6.      Hau Cingh Mang, Ph.D (Zoology) (2007 July 16) Assoc. Professor, Dagon University

7.      Gin Lun Cing, Assoc. Professor, Botany Department, Distance University, Yangon

 

E.     Pilna sang Ph.D.ngahthakte leh Nasepna(2005 nungsang)

(a)   Secular

1.      Kham Man Niang, Ph.D (Electronics & Electrical Engineering) (Dec.2007)

2.      Lian Khan Dim, Ph.D (Pol.Sc.-2008) USA

3.      Gin Lian Mung, Ph.D(Philosophy- Sept.2008),University of Pune, India

4.      Dim San Nuam,  Ph.D(Physics)(2010   )A/L, Loikaw University

5.      Mang Uap, Ph.D (Botany) (2011 March) A/L. Pinlong University

6.      Don Sian Man, Ph.D (Botany) (2011 August), Dagon University

7.      Luan Za Ciin, Ph.D (Electrical Engg. 2011), Mandalay

 

(b)   Religious

1.      Zam Khan Thang, Ph.D. (2006) Florida, USA

2.      Thuam Cin Khai, D.Ed. (Apr. 12,2007) Education Administration and Supervision,  Central Philippines University

3.      Tun Cin Kap, Ph.D  (May,2008), Louisiana Baptist University, USA

4.      Mang Cin Pau, Ph.D (ACTS & M, Korea,)(2009), Senior Pastor, Ambassador Baptist Church, Yangon

5.       Michael Dai Za Cin, Ph.D (2009), Reaching The World, Yangon

6.      Man Hau Cing, Th.D Hong Kong(2009)

7.      Suan Za Khup. Ph.D. (Korea) 2010

8.      Khup Lian Pau, Ph.D(2010) Philippines; Pastor Zomi Christian Fellowship, Tokyo

9.      Hung Suan Kim, Ph.D (OT)(2010 May 8) Bob Johns University, USA

10.  Cing Pum Nem, Ph.D Philippines(2010)

11.  Lian Muan Kim, Ph.D(NT)(2011 May) BB&C, Pennsylvania, USA

12.  Pau Suan Kam, Th.D.Hong Kong (2011)

13.  Tual Lian Tuang, Th.D Korea (2011)

 

F.     Kumpi Nasemlaite

1.      Pa Hau Do Suan, Director General, Political Division, Ministry of Foreign Affairs-MOFA (2011)

2.      Lt. Col. Dr. Vungh Suan Thang, Consultant, Psychiatric Department, Myanmar Defence Hospital, Mingaladon

3.      Maj. Pum Za Sum, Director, Forest Department, Naypyitaw

4.      Thang Do Cin. Director, Divisional Planning Office, Magwe

5.      Go Lian Mang, Deputy Director, Divisional Planning Office, Monywa

6.      Hau Khan Sum, First Secretary, (Political), Myanmar Embassy, Seoul, Korea

7.      Cin Go Lam Thang, Executive Engineer (A), Yangon Electricity Supply Board

8.      Thawng Zo Khai, Superintending Engineer, Electrical Power, Mandalay

9.      Khup Lian Pau, Deputy Director, District Executive Officer, Minglataungnyunt

10.  Lian Cin Mang, Deputy Director, State Road Transport Authority, Kachin State, Myitkyina

11.  Daw Yi Yi Win, Deputy General Manager, Ministry of Agriculture and Irrigation, Naypitaw

12.  Mang Hau Thang, Assistant Director, International Law & Treatise Division, MOFA, Naypitaw

13.  Hau Cing, Assistant Director, Myanmar Medical Research, Naypyitaw

14.  Cin Lian Lum, Assistant Director, Divisional Health Office, Yangon  Division

15.  Capt.Thang Sian Piang, Assistant Director, Custom Dept. Myawaddy

16.  Capt. Thang Suan Piang, Assistant Director, Custom Dept. Yangon

17.  Capt. Thawng Deih Khai, Assistant Director, Custom Department, Yangon

18.  Sian Suan Pau, Executive Engineer (B), Yangon Electricity Supply  Board

19.  Cherry Mang Man, Assistant Director, National Planning. Naypyitaw

20.  Daw Khin San (a) Ning San Cing, Assistant General Manager, Administration Department, Myanmar Timber Enterprise, Ministry of Environment Conservation, and Forest, Yangon

 

G.    Literature & Fine Arts, Musicians   (Kawlgam Level)     

(a)  Literature, Artist & Cartoonist

      1. Cartoon Zo Zam (Zo Zam Cin Pau),  Cartoonist

      2. Kyaw Kyaw Oo (Kham Khan Suan), - Artist

      3. Steven Zar Khaing (Cosmo), Steven Cin Za Khai, Writer & Publisher

      4. Tg. Tual Khen Mang. Writer

 

(b)Vocalist

      1. Sangpi (Thang Sian Sang) 

      2. Zamnu (Zam Neih Cing)

      3. Thawn Kham (Thang Thawn Kham)

 

(c) Musicians

      1. Salai Victor Zar Lian (Kam Za Lian), Bass Guitarist, Aces

      2. Cin Pi (Gin Suan Cin), Bass Guitarist, Lazy Club

      3. Bo Cin (Cin KhanPum),Bass Guitarist, Plus-3

 

H.    Zogam Kham tung level te

 (a) Vocalist

1. T.S.Khai (Thang Sian Khai)

2.  Lengtong Pauno (Cin Za Hu Pau)

3.  Cing San (Man Suan Cing)

 

 (b) Composer

1.  Zogam Lalpu  (Rev.Dr. Sian Za Lal)

2. David Kham (Nang Suan Kham)

    

(c) Comedians

1.  Lengtong Kam Khen (Kam Khen Thang)

 2. Khup Khan Mung

 

(d) Culture

1.  Dr. Cin Sian Pau, Zo Daaklawm (Zo Orchestra) leh Zo Xylophone bawlkhia pa

 

(e) Media

1. Lungvakna- Tedim Baptist Convention (1950)

2. Zangkong Awging (1990)

3. Zonu Tongluan (2004)

 

I. N G O

1. Dr. Cin Khan Lian, Founder & Director, Ar Yone Oo Social Development Assoc. Ygn.                                    

2. Dr. Go Chin Zam, Managing Director, Operation Mobilization - OM

3. Prof. Dr. Suantak von Kamcindal, Founder & Managing Director, Myanmar Community Promotion Co.Ltd.(MCP) & Zomi lak ah First Director (Retd). Ministry of  Health; Myanmar Academy of Medical Science member.

4. Pa Vum Za Nang, Founder, Zogam Rural Development Programme-ZRDP,Kalemyo

5. Siapi  Kung Za Mung, Founder, Ciimnuai Boarder

6. Siamapi Dai Khawm Ciang, Lois Children Education Centre, Kalaymyo (2001)

 

J.   UNICEF Staffs

1. Pa Hang Za Thawn, Child Protection Specialist, Unicef, Yangon

2. Pa Piang Suan Mung, Regional Program Officer, Unicef, Kalaymyo

 

K. Businessmen

1. Pa En Za Kap              ( Taungzalat Hotel, Kalaymyo)

2. Pa Vung Suan Pau      (Hornbill Nursing Home- Zatopi , Tedim)

3. Pa Lang Suan Thang   (Dynasty Hotel, Mandalay)

4. Dr.Vum Lian Thang    (Victoria Hotel , Mandalay)

5. Pa Ko Ko Thang (Zam Dong Thang)  (Chin Taungtan Hotel & Owner of Bus-station)

 

L. Matriculants

1. Lia Hau Suan Nuam, 5D, (Saka 713), Ciimnuai Boarder, Kalaymyo, d/o Pa Kung Za Mung, Nu Thang Sian Cing

2. Lia Man Sian Dim, 5D, (Saka 695), Ciimnuai Boarder, Kalaymyo, d/o Pa Thang Sian Mang, Nu  Man Lun Niang

3.Tg, Cing Sian Dal, 4D , (Salama 485) s/o Pa Sian Cin Mang, Nu Khup Khaw NeemTBCY

4.Tg, Nang Suan Khai, 4D (Saka 996), Top Education Centre,s/o Langh Sian Kam, Nu  Dim  Sian Man

 

TEDIM ASSOCIATION

A piankhiatna

 

            1996 kum a kipan in Dr.R.Zam Khen Thang, Dr,Go Za Kham leh Dr.Simon Pau Khan En te in Tedim Upa kikhop 4 vei hong neihpih khit ciangun Mrs.S.T.Hau Go te inn ah Upa kiseh in Dr.R.Zam Khen Thang in President, Pa C.Thang Za Tuan in Secretary leh  Richard En Suan Gin in Joint Secretary in hong kiseh hi. Dr. Zam in hong nutsiat khit ciangin October 16, 2004 ni in Mrs. S.T.Hau Go inn mah ah Pa C.Thang Za Tuan in meeting hong sam in EC Temporary in kisehkik in Dr.Go Za Kham  President hi.

            Kum 2000 lai pek in Pa Tual Khaw Mang, Pa Thawng Khaw Zam, Pa Suang Khan Thang te in Kumpi tungah ana siauh uh Tedim Township Association pen Registration No.1892 tawh December 24, 2004 ni in kingah hi. Ngimna leh deihna kibang ahihman in  Col. Khen Za Moong in hong gawm in “Tedim Kipawlna” (Tedim Association) ci-in Colonel pa in hong makaih in Constitution zong hong suaihsak hi. Motto leh Aim kikipsak hi. January 15, 2005ni  third meeting 14 AA Inya Yeiktha ah kinei hi. Makai panmun kiseh kik pah hi. Pu Tual Khaw Mang in President (2005 – 2011) sem in Pa C.Thang Za Tuan in Secretary sem hi.

 

Thubulphuh:                         Ih phattuam nang aa Kithei, Kikhawl, Semkhawm ding.

Ngimna leh Sepding Tupna:            Kikep, Kihuai, Kipanpih siam ding

 

Tulaitak Upa Panmun Kiseh (2011 July pan)

            Patrons:                       Col. Khen Za Moong; Rev. Dr. Go Za Kham

            President:                    Dr. C.Thang Za Tuan

            Vice Presidents:          1. Dr. Thang Cin Mang

2. Capt. Pum Khan Pau

                                                3. Prof. Dr.Nang Suan Kham

            General Secretary:       Steven Cin Za Khai; 

           Treasurer:                     Pa Kap Khen Pau

            Members:                    Rev. Dr. Jacob Kham Khan Mung     Pa Khup Lian Pau (U Sit Aung)        

                                                  Rev.Dr. Mang Do Thang                    Dr. Tual Khai                         

                                                  Rev.Dr.Yam KhoPau                          Rev.Dr.Dam Khua Nang                   

                                                  Rev. Khoi Lam Thang                         Rev.Dr. Go Cin Zam                                       

                                                  Pa Zam Do Dal                                   Dr. Cin Khan Lian, Ar Yone Oo   

                                                  Dr.Michael Chong Luai                      Rev.Suan Khan Lian              

                                                  Pa Len Cin Thang                               Siama Niang Hen Cing          

                                                  Siama Zen Dot Mang                         Tg. Pau Lun Min Thang  
                                                  Tg. Cin Suan Kap                               Tg. Thang Sian Muan              

                                                  Tg. Kang Za Khai                                Lia Niang Theih Kim

 

Sub-Committees:

 1. Finance:     Makaipi teng

 2  Health, Physical Edn./Sports and Youth Affairs:

            Makai Siavuan   Thang Cin Mang

            Members: Rev.Jacob Kham Khan Mung; Pa Khup Lian Pau; Dr.Tual Khai; 

                             Rev, Dr. Dam Khua Nang; Tg.Cin Suan Kap; Pa Zam Do Dal

 3. Economic Development, ICT & Women Affairs:     

             Makai Capt.Pum Khan Pau

            Members: Rev. Go Cin Zam;   Dr, Cin Khan Lian: Pa Len Cin Thang;

           Siama Niang Hen Cing; Siama Zen Dot Mang; Lia Niang Theih Kim

 

 4.Education, Litt. Culture, Heritage & Music:         

            Makai Prof. Nang Suan Kham

            Members:  Dr. Yam Kho Pau;  Rev, Khoi Lam Thang

                        Rev. Suan Khan Lian; Tg. Pau Lun Min Thang, Rev, Dr. Mang Do Thang

                        Dr. Michael Chong Luai; Tg. Thang Sian Muan. Tg.Kang Za Khai

Note: Sub-Committees te in amau sepdan ding leh sep dingte (Terms of References) amau sung pan geel in EC ah approval ngen ding hi.

 

Sepsate

(1) Thutawh donghtuakte lem;            (2) Zomi Seminar (7) vei bawlta

 (3) Upa Khangham Pi leh Pute Zahtak pahtawina 2 vei piata (2007 & 2010);

(4) Nargis huihsia thuakte gamsung/pua pan huhna sum leh neek le dawn hawmkhia sawn

(5) Mautaam thuak khuate huhna antang leh neektheih hawmkhia

(6) Pilna sang Doctorate ngahte  leh Matriculation ah a sang onte pahtawina pia.

(7) Khuado pawi bawl              (8) Post Card leh Calendar kumsim in thoh

(9) Tedim Zomi Directory bawl (2011)          (10) Zomi Uliante leh EC hong nusiate gaal,

(11)  Membership Fund zong (12)  Sihna donghtuahna ah ahaksa in hong kote huhna pia

(13)  Gamdang pan huhna kipiate ahi Hornbill Foundation (Singapore) leh Zomi Christian Fellowship(Japan) pan Sangnaupangte huhna piakna leh Sangsia Upa zahtaakte Telpiakna ah amau taangin sepsak

(14)  Zogam ah Tourist te hong pai nading leh Tedim Electric mei Zalui ah huh nading kingen hi.

(15) Huhna hong kingen khempeuh thagui, thatang leh vaihawmpihna tawh huh theihzah in huh.

 

Seplaidingte Ngimna:

(1)    Mikim Life membership / Ordinary Membership lut ciat nading sem ding

(2)    Donghtuahna ah akisam bangin kipanpih ding

(3)    Tan sawm a sang zawhte leh Laisiamte Higher Education a sin zop nading huh theih na geel ding

(4)    Association Fund limtakin zong ding. (Life, Annual & Admission fees, special contribution etc.)

(5)    Zogam Khantoh nading vaihawm theihte vaihawm ding,

(6)    Zomi Seminar zom suakin theih huaite kikum toto in kihawm sawn thei ding.

(7)    Thukinte kikum in sepdingte sem toto ding.

 

N.B.

1.  Nasepna khat peuhpeuh ah Tedim Kipawlna in Kumpi phalna tawh kisem ahihzah khat in, Zomite Kipawlna tuamtuam ahi Ciimnuai (MIT+MICT & Yuzana), Dikom; Momno,NGRA, Siamsin, Zocia, Zolus,  Zomus, Zonu Tongluan, ZCA, GZA  cih bangin Kipawlna tuamtuamte leh   Biakna Pawlpi khempeuh tawh khut kilen in na sem in mapangkhawm tawntung  ding hi.

 

2. Endowment Fund ding kician kinei nailo ahih manin Life membership Fees Ks.50,000 leh Ordinary Membership  fees Ks.3000/-  te ban-ah hong deihsak a hong panpih nuamte (Well-wishers and supporters( te kiangpan ma hong dinpih ciat ding uh kilam-en pha pen hi.

Tedim Kipawlna Thukhun anuai ah kisuaksak bang hi.                                                                     

 

KHUADO LA PAWLKHAT

 

1.     (a).Do na liingliing dona liingliing e, gual in kumkhua do na liingliing e.

        (b).Gual in kumkhua dona liingliing e Do han ah nau bang va kap tang e.

        (c). Naubang kap khau bang va ciah tang e, luankhi muantui tak na silsial e

 

2.     (a). Thangho leh Liando a Nu’n kuangpi akhupnelh a, anuai ah siallei asuak hi e.

        (b). Siallei suak albang adah manin Geeltui ah ni bang a lun hi e.

        (c). Geltui ah nibang a lun hi khawkhang phaipi paak a bang hi e.

 

3.     (a).Sawmsial cing tanggual va kawm ing,nutun in ka meel hong ma hi e

        (b).Nutun in ka mel hong ma hi, dawhsuang a Puvon hong sa hi e.

        (c).Dawhsuang a Puvon hongsa hi ka dawn ding kaai in ka zak hi e.

 

4.     (a)Ka Ninun lam in hong ci a kakawng ah dumpuan hong veh sak e.

        (b) Kei pawh tanglam ding ka lawm lo a, ka senvual kaai in ka zak hi e.

 

6.    (a). Tukawl tawi kum khua i khen a ningzu khum leh aisa aw e.

       (b) .Ning zu khum leh aisa aw e, khan kum sawt ciam laileeng e

 

7.    (a). Kum kikhen e solkha dang e, ziin in vangkhua zong hen aw.

       (b). Ziin in vaangkhua lam zong hen la, sian sung tuibang siang hen aw

 

8.    (a). Ka lo nawl aa khuai aw e, sim ngalthen aw, nang in kum khua na thei a ken dong.          

       (b).Nang in kum khua na thei a ken dong, ning zu a ken dong, aisa a ken dong

 

9.    (a) Ei teng khawlkhawm  a tuam om lo,  khuul a pian in  tong kilel leng  tun sung khat a piang hi ngeingei e.

       (b) Tun sung khat a   piang hi ngeingei e,   sanggam suahpih   laigui zawng   khawm hi ngeingei e.

 

LUNGDAM KOHNA

 

            Hih  Tedim-Zomi bup in tukum in khua i do khop theihna pen Tedim Kipawlna makaite’ lunggulhna leh hanciamna kiabek hizenzen lo hi. Yangon khuapi ah om Biakna Pawlpi khempeuh leh Kipawlna tuamtuamte ahi Cimnuai (MIT,MICT leh Yuzana), Dikom, Momno, NGRA, Siamsin, Zocia, Zolus, Zomus, Zonu Tongluan, YCCF, Zozum ah kihel akuamah peuh in lung kituakdiam in lunggulhna, thalawp takin geelkhopna, hanciamna leh sehna bangin kizen takin tavuan la diamdiam in asem akuamah peuhte hang hi. Tua bek hilo in a sumtha a paaitha mahmah uhtawh ma hong panpih ngiat in tha ong pia  Pawlpite leh i muan i suan  upate hang hipha pen hi. Sum om keileh I sepnopte a mawknapi hi. Tua ahihman amau tung leh akuamahpeuh tungah  i vekpi aitang in Tedim Kipawlna in lungkimna leh lungdamkohna thu kong pulak khia uh hi.

            Hih bangin ei munsan ciat ah mapangkhawm liailiai kei lehang  hih i Khudo khopna tangcing takleh nopci thei hetlo ding ahi gige hi.

            Tua ban-ah ei Zomi madawk leh I gam I lei hong laamsang phadiak amau mun ciatah makaite, Kumpi nasemte leh atuamtuam in mapangte zong pahtawina Laipi i pia thei hi. Khuado icih in i it i ngaih hong mualliamsante kha leh mui tawh anungta laite laikuang umkhopna ahihmah bangin tutung in tua Khuado ii thu laigil bulpi khat zong atangtungsak nuam ihi hi.

            Ahizongin nasepna khat peuhpeuh ah Dahpa ton laimah bangin akinelhsiahkha leh akiphawk kha paklo om thei den hi. Khuak ii batloh leh theihkhak zawkloh man hi a, akua mah peuh in akisapnate ah  nong theihsiam leh san siam  nading unleh lungsim hoihtak tawh nong kohkik zawk nading uh deih in kakicin lahna uh kong pulak khol uh hi. I maban semto, zomto tetek lehang tangcing leh picing toto semsem ding hihang ci-in tha la ciat ni.

 

TEDIM KIPAWLNA, YANGON

Regd, No.1892/2004

Copyright*Tedim Kipawlna makaipi Dr. Prof. C. Thang Za Tuan phalna tawh kikhahkhia hi.

Zomi Media Cottage

www.InTouchCNet.Com

http://www.intouchcnet.com/group/zomigroup/page/a-khatveina-tedim-z...

 

Views: 449

Comment

You need to be a member of Zomi Community Network to add comments!

Join Zomi Community Network

© 2018   Created by Zomi Social Network.   Powered by

Badges  |  Report an Issue  |  Terms of Service