Parcel akihong sa in tung




Leitung khantohna zui in pemta tamna Zogam pan tuipigal ahi USA ah Taang Kappu hong tung hi. Amah USA a tun theih na ding in Malaysia lam tawn in a beisa kum (5) lai in khua pan in ong kipan khia ahi hi. Malaysia ah
kum nih leh lang sung a om khit ciang in
gambel siau in USA ah hong tung ta hi. America gam a tun tak ciang in
amah zong inn lam ah a om lai a nu tek leh patekte vak na ding in nasep hanciam
mahmah in sum a khol hi. Kappu pen Pa Thang leh Nu Ciin te I tapa neih sun uh
ahi hi.


USA a tun zawh nasep hanciam mahmah a, a lawm leh gualte in food stamp, kumpi lam pan huhna tuamtuamte sang in, nasep zong zong kicianlo in a om pawl khat a om laitak in Kappu in ama thatang ngiat tawh a sepna sum
thalawh in sum khol ngiat ngiat hi. A lawmte in Kappu kiang ah “bang hang in
hizah in nasep hanciam zawzen na hiam, zong kidawm in, nasep hanciam ici ta zong
in cidamna mah zong a thupi pen ahi maw…” ci in kho thei zeel uh hi.


A tatak in Kappu in a nu leh pa vak na ding pen nasep loh na tawm in huhna a ngahteng tawh zong a gal vak zo phial hi napi, aman sawm khat a na nei gige nahi zaw hi. Kappu in “ko innkuan mi (3) bek pha ungh, ahih hang in
ken mi (4) ai ding sum zong in na a sem, sum a khol hi ingh” cih san hi.


A khum a al tuamtuamte zong ne ngam lo, dawn ngamlo zah dong in nasep hanciam in, sum khol in a om zawh kum kum (3) bang hong phak kuan ciang in Kappu in a saving account (bank) sung ah sum honkhat mah hong nei ta
hi. Tuani pen Zomi Nam Ni ahih man in amah zong a lawm leh gualte tawh Zomi
kipawlnapi makaihna tawh akibawl ding Kumcin khawmpi leh Zomi Nam Ni pawi sim
ding a pai kawm in a sum neih khempeuh phial mah innlam a khak hi. A lawmte’ in
“Lawm Kappu nang tutung inn lamte sum tam khak zaw ve cia, sum leiba hau lua
maw, nu leh pa damlo maw” ci a dot leh Kappu in “innlam a te dam tek mah uh e,
leiba zong om kei, van lianpi khat a vaikhak sawm hi veng aw…” ci in a lawmte
in zong tel mel, tel lo mel tawh “hong lungdam pih ungh ei” ci-in tam paupih
nawnlo in pawilam hong zuan uh hi. Kappu I ngimna ah bel Lungdampawi khuadam
hun lap in a vaikhak dan ahi hi.


Pa Thang leh Nu Ciin te in zong tuipigal khat a om a tapa Kappu’ sum khakte ban pan va la thei uh a, a sumte a muh uh caing in nidang a te tawh kibang lo in sum tampi a muh uh ciang in I tapa in bang sawm hi peuhmah
ding hiam ci in a upmawh sansat tuak uh hi. A nu leh pa te inzong I tapa in
vaipi khat a van nuam hi kha ding hi, inn leh lo maw, bang maw hi kha ding ahih
man in ci-in a sum khakte hoih tak in a kep sak phot uh hi. A sawtlo in Kappu
in a nu leh pa a laikhak laito pan in hong tun in, a sum tampi a khak bang ding
cih a nu leh pa in a thei pah uh hi. A tapa’ ngetna tawh kizui in a lem thei
pen leh Kappu’ lunggulhna tawh kizui in vaihawm sak pah uh hi.


Pa Thang leh Nu Ciin in zong a tapa Kappu a ding in Parcel khat Malaysia lam a pai ding a om tawh kituak in a khak pah uh hi. Kamphatna tawh tua parcel pen innlam pan Malaysia tawn in lungdam pawl bawlma deuh in USA
ong tung thei hi. Kappu zong lungdam mahmah in hih hi ei ka sum leh ka paai
khempeuh, ka thagui, ka thatang khempeuh tawh ka thalawhsa ka parce tun hong
tung taktakta ci in lungdam pawi kham in a lawm leh gualte tawh nop a sa mahmah
uh hi. Ahih hang in tuani mah in Kappu in ama a ding Malaysia tungtawn a
akikhak parcel pen akihongsa in ong tung ahih lam thei ta hi.


Pa Thang leh Nu Ciin in a khua uh pan in a khak lai in akihong nailo hi mah ta leh, USA a tun ciang in a parcel kihong sa in ong tun lam a theih ciang in, bang cih ding kahiam ci in lungkham mahmah a, a lungdamna
nite khitui naptui tawh nitum lawh pah lian hi. Khak kik ding lah hi theilo,
kapsuak ding in lah akihong khinsa hita ahih man in lungdamna leh lungkhamna
kigawm kawm in ni hong tum hi.


Parcel icih pen a khakte in a khak lai in a ngah dingte in a ngah ma teng akihong lo ding leh, tua parcel a ngahdingte bek i hon ding in akikhak ahi hi. Hi mah ta leh tuhun ciang in, a diakdiak, Kawlgam sung ah lai
khat peuh, van khat peuh ahi zong in akikhak ciang in, a diakdiak gamdang pan
ahih kei leh gamdang tungding khat ahih leh a kihong sa in na om thei gige den
hi.


Tua parcel pen kua hon ahi ding hiam?


Parcel a ngah dingte’ khutsung a tunma in akikhak sawnna mun leh a taamna mun kikal ah khut tam in khoih kha thei a, khut tam in a koih luat ciang a parcel kihongn in, pawl khat kitam a, pawl khat a parcel a tanlawh (a
mansuah) na tawm ki om ta hi.


Tua ahih man in innlam pan in parcel na vaikhak leh, na parcel puate kua hiam, ong kepsan kua hiam, koi mun ah koih na hiam, lam kaal koi tak ah kua tung ap na hiam cih hoih tak in ngaihsun in Tg. Kappu bang in a
lungdampen nil eh a dahpenni a kithuah loh na ding in pilvang tak in parcel
vaikhak in. Lamkaal ah sawt a tam lo thei pen ding ahih kei leh gam tampi
kantan’ kullo in direct in vanleng tungtawn in vaikhak leng zong manlang pen a,
tua parcel zong ki hongmanlo pen thei hi.


Taang Kappu mah bang in Zomi tampi tak in a parcel uh a ki hongsa in a tun tawh, a parcel vaikhak uh a mansuah tawh, a parcel a ngahdingte kiang a tunma in a kisia, akitam, midang khat i taipih, mi dang khat i ong guksak cih bang a tuamtuam om thei ahih lam a thak in hong phawk sak
hi. Nang e, na parcel a kihong sa in hong tung kha hiam? Parcel a vaikhak ding
hi lecin bang ci na vaikhak sawm hiam? Koi lam, koi mun, koitak na tot sak sawm
hiam?


Na parcel a kihong sa in na ngahkha hiam? Na parcel nang kiang ogn tunma in a bit lai mah hiam?

Na parcel a bit lai hiam?

Views: 113

Comment

You need to be a member of Zomi Community Network to add comments!

Join Zomi Community Network

Comment by Zomi Music Online on November 26, 2010 at 11:11pm
Tua parcel pen innlam a ten a khakma, packing a bawl ma in aki hong sa zong hi thei maw. Lakal ah akihong a om theih mah bang in, a khakma in a kihong sa zong om lo ding kici thei tuanlo ai ve maw.
Comment by semualkim on November 26, 2010 at 4:12am
tua sang in guaite aw no hohno vai khak loh mah maw? hehehhehhehee~~~~~~~~~~~~:)
Comment by moemangsen on November 22, 2010 at 2:37am
Ummm no comment :-)
Comment by Taang Sianpu on November 15, 2010 at 6:43pm
Tulai Malaysia kampau dan leh, "Vaisah" mahmah ding ai ve maw...
Comment by jack ka on November 15, 2010 at 1:02am
a buai huai thu khat hi, na ci na vyua guai!
Comment by HL. Kham Sian' Sawm on November 14, 2010 at 1:56pm
A Percal vaikhak a ki honsakbel tam mahmah danhi,banghanghiam cihleh percal pen Van/Na hilo
pauthei,gamtangthei,uuktheihna sex neilai ta sawnsawn a hihman percal te a mau le mau a ki Hong uh
hi mawk ei !Nuntakna nei khat precal aa ki vaikhakbel a hici mahdinglah hizel.,lamdang veve.

© 2018   Created by Zomi Social Network.   Powered by

Badges  |  Report an Issue  |  Terms of Service