GZA MIN TAWH (MOBILE CLINIC) A MASA PEN KIPAN TA

GZA khawmpi nung kum a Kawlpi ah i neihna leh thukipsakna tawh kizui-in, "Mobile Clinic" tawh a masa pen nasepna kinei khia thei ta hi. March 27,2012 (tuesday) ni-in Kawlpi panin Zomi Siavuanpi leh Siamahpi te a kipan nasep pih ding pawlkhat tawh motor khat tawh kawl Zozang ah kipai hi. Motor a kita lo pawlkhat motor cycle tawh kipai hi.  

Pa Thang Khen Tuang' motor tawh kipai a motor saap bei khempeuh ZRDP pu, Vum Nang in sikh hi. Zingsang nai giat khit teh kiding khia a, nai kua khit deuh in Zozang kitung hi. Zozang khua pawlpi khempeuh kipawl ban ah ohsuh sung leh khuakim khuapam, khua 6/7 bang panin cina leh a kivelsak nuam tampi hong pai uh hi. A tung a min sazian lakna ah min ap vekpi 300 bang pha hi ta leh a hun ciangin mi 500 val bang hong pha a, siavuan siamah te buai thei mahmah uh hi.

 A mun pen Zozang Tuiphum biakpi kizang a, Zinmangpite a tun tak ciangin Innteek pawlpi te'n lungdamna muakna nasiatakin hong nei uh a, Rev.Lian Khen Pau (Chucrch Pastor & GS,ZCLS) in hunapna hong nei a, biakinn sungah mun kila pah hi.

Conductor pen tulaitak Zozang Baptist ah Pastor a sem, Pr.Khup Thawn Pau in hong makaih a. aman hunapna tawh hong thuah pah hi. Tua khit ciangin Tua khit ciangin leenglate lampan in mel kilahna kipulakna a banbanin neisak hi. Siavuante lampanin Dr.Thuam Khan Suan in hunlakna thugenna a kisambang teng hong nei masa hi. Tua khit ciangin Dr.Goih Khan Nuam, Dr.Thang Lian Kap leh H Vum Nang cihbang teng in hun tawmtek hong la uh hi. Cidamna leh khantohna lam vive hi a, mipi in tha ngah thei ciat uh hi. Dotna leh dawnna hun zong tawm la a, manpha kisa mahmah hi.

 

Hiteng bang khit ciangin cina veelna pen a tuamtuamin kikhen a, ha leh kamsung lam tawh kisai, numei na lamsang cihte leh pumpi tung damlohna a tuamtuam te etna kinei hi. Innteek ten voksa leh aksa hulseu tawh lenglapiteng an hong vak uh hi. Mi sawm nih bang kipai hi. A min te a kisap leh vaisai diakte in hong zasak lai ding uh hi.

 Zozang Baptist Church Zozang - Sapan motor lam thak ZCLS pu in hun-apna nei Zatuite leh Siavuan SiamateVum Nang in dotnate dawnna Vaimuakna thupi takin kinei Piteek uham pawl etna OG lam tawh kisai pawl

Nitak lam vekpi a septheih om den lo ahih anin, ZRDP pupi' makaihna tawh pawlkhat leh hausa lampan pawlkhat tawh Zozang-Sapan motor lampi tawhna thak enin kipai a, thanophuai mahmah hi. Hih pen lamto setpi tawh a kito ahi hi. Tua khit ciangin Zozang kiciah kik a, Zozang te' i meiset pi a thakpen ki etsak a, hausapa ten a vot lim mahmha tawh hong na vaak uh hi.

 Mualnuam khuasak lampi sialnate etsakna Mobile Clinic a khatvei kuankhiatna Motor Meel kilahna pawlkhat Kilak ding mipi pawlkhat

Nitak lam ni hong tum ding hi petmah ta ahih manin mi sazian tamsim om lai ta leh khual gamla ciah nading tawh aana pipi-in kikhaksak mai ta a, nitak nai sagih bang hong sat petmah hi. Tua ciangin a paiphei teng leh inntek hausa lam leh pawipi makai diak a omthei teng tawh maan kilakna kinei a, pawpi siapa, Pr.Khup Tawn Pau' lungdamkohna leh apna tawh Kawlpi lam kiciah ta hi.

 

Find more photos like this on Zomi Social Network

 

Tahan tun ciangin Rev.Lian Khen Pau (GS,ZCLS) pu in a paikhempeuh kawltu tui vot keukeuh tawh hong vak a, ki-lungdam mahmah hi. Hih nasep in nasep hoih leh nasep taak taktak khat ahi hi, ci-in ka ciamteh hi. (Kei GZA ah tavuan ka nei kei a, deihsakna tawh hong kizot na leh ka angtanna tawh a tang zang dang om vat tuak sa lo ka hih

manin hibang teng a hong hawmsawn ka hi ding hi. Mailam ah tavuan nei te'n hong zom ta ding uh hi. HIteng lakah a kitangsam a om lai leh lawmten hong zom ta uh hen).

 

TOMKIM THEIH PAK DING:-
(Zozang khua inn 300 pha, Dolluang Ohsuh kici. 1972 kum a khua kisat ahi hi.Tan giat sang om. Tedim Myone in huam. Tutungin Dr.Thuam Suan mah in Z te mah i hih manin Z tawh a kipan Zozang pan mapan photphot leng a cihna tawh kizui a hong taksuak thei a suak hi. Mi kilak vekpi pen zanga leh sawm thum val bang pha in kigen a, mailam ah report kician zong hong bawl kha ngel ding uh ahih manin hite kiallap i ci ding a, gelhkhialh peuh a om khak leh kitheihsiam i ci ding hi).

 

Deihsak Thupuak

 

Peter Khampu

Kawlpi

 Hun kihial bawl a,khit teh group photo lakna Habawh sakna Dr.TLKap thugenna

Dr.Thuam Suan' thugennaDr.Nuam' thugennaCina etna

Views: 267

Comment

You need to be a member of Zomi Community Network to add comments!

Join Zomi Community Network

Comment by Philip Khaipu on March 31, 2012 at 10:17am

Lungdam huai mahmah ei minam itna pen sepkhiatna tawh hong mapan khia GZA leh ZRDP aa kipan a kua mah peuh lungdam mahmah hi. Topan thupha hong pia kim ciatta hen.

Zeisu le Zomi sungah

Philipkhaipu

© 2018   Created by Zomi Community Network.   Powered by

Badges  |  Report an Issue  |  Terms of Service