UNHCR huangsung, RSC zum sung ah Zomi kamphen ki behlap leuleu

TZO (Teizang Zomi Organization) i mapanna tawh a kihong ahi, Teizang Zomi Education Center (TZEC) naupang pilna sinna sang ah full time volunteer sang sia a sem Lia Dini in hong pai ding Monday, April 2, 2012 zingsang a kipan in (nidang in OPE akici) RSC (Resettlement Support Centre) zum, UNHCR huangpi sung ah kamphen nasep hong ngah ta a, nasep kipan tading ahih man in Zomi te in ki angtan pih mahmah hi.

Sianu pen Malaysia hong tun a kipan in TZEC sang ah lungduai tak leh citak tak in naupangte sun leh zan hong kep sak, an hong huan sak, lai hong hilh sak, tuition hong bek thamlo, naupang sang bek hilo in Day Care tawh thuah in a nasep pih sia dangte tawh lung kihua tak in a mapang gige a pahtak huai leh a etteh huai makai hi ci in TZO makai khat in gen hi.


Sianu Dini pen kamphen ding in aki teel thak ahihna tawh kizui in, kampau tuamtuam siam hi. Zomi sung kampau tuamtuam ahi Mizo, Tedim, Teizang te siam in, Sizang, Zo leh Mangpau te a theih ban ah Kawlpau zong tawmtawm thei hi. Naupangte a it leh a deihsak ngiat khat hi a, tu in zong a kem a khoi ding omlo naupangno khat kem in, khoi hi. TZEC sung ah Zomi sang naupangte, Kachin leh minam tuamtuam kihel a, sang naupangte in zong ki it thei mahmah cit hi ci-in a naseppih siate in gen hi. Sianu Dini pen TZEC ah sang siapi a sem ahi Sianu Nuamboih (Australia hong pan san ta) in, gamdang hong zuat san in tua mun ah sang naupangte a ding in nu leh pa dinmun la in volunteer a sem minam leh gam a it mahmah khat hi.

TZEC sang pen tu laitak in a omna Pudu veng pan in, Sg. Long veng ah kituah kik ding a, sang naupang laisinate leh computer sinnate kizom suak ding hi. Geneva pek pan in hong kipuak ahi desktop Computer (branded/ new) CPU i3, kop 3 zong UNHCR i thusiamna tawh nung deuh in ingah ahi hi. Biakna kipawlnate, NGO leh UNHCR in zong ahi thei bang in a mapan pih khat ahi hi. Thu leh la tuamtuam dangte tzec@teizang.com ah kidong thei ding hi.

UNHCR zum sung ah Sianu Dini bek hilo Zomi pih dang nasep ngah thak pawl khat ki behlap ahih man in Malaysia a om Zomi te kha muang tuam mahmah uh hi.

 

A nuai a bang in sangkahna leh nasepnate nei ngei hi.

Educational Qualifications

 

Degree                                   Year of Completion                College/ University

 

Ø

High School (Class X)

August 1999

Tonzang High School

Ø

 

Ø

 

Ø

Division College Eligibility

 

Bachelor of Elementary

 

Master of Arts in Education

June 2005

 

March 2008

 

April 2010

Spicer Higher Certificate (DCEC) School

 

Spicer Memorial Education (BEEd.) College

 

Andrews University (M.A)

Work Experience

 

ü

Elementary School Teacher

1999- 2000

Bapi Elementary School

 

ü

 

Middle School Teacher

 

2000-2002

 

Saipimaul Private Middle School

 

ü

 

Practicum Teaching

 

2007-2008

 

Spicer Elementary School

 

ü

 

Women’s Hostel

Nov-Dec 2009

2009-2010

(80+15 hours)

Spicer Memorial General Monitor College

 

ü

 

Elementary School Teacher

 

2010-2011

 

Spicer Higher Secondary School

 ü

Teacher, Dorm In-charge (Full)

2011-2012 (March)

 Teizang Zomi Education Centre, KL, Malaysia

Views: 132

Comment

You need to be a member of Zomi Community Network to add comments!

Join Zomi Community Network

Comment by Sian Muan Thang on April 3, 2012 at 11:09pm

Thupi mahmah ei!

Comment by L T Thang on March 31, 2012 at 11:44pm

luingdam huai mahmah eu

Sia nu Dini zong keu

seih ngei te hi.

© 2017   Created by Zomi Social Network.   Powered by

Badges  |  Report an Issue  |  Terms of Service