Dear minam pih teng,

Tu lai teng Zomi sung news tuamtuam mun tampi ah om kawikawi in ki gen hi. A diakdiak in ZNC vai ki buaipih mahmah ci hi. Ahi mah ahi ding hiam?

ZNC leh Zomi vai pen mipi, numei naupang in a ngaihsut ciang in haksa kasak leh ka tel zawhloh thu pawl khat om hi. ZNC pen min vai tawh buai pha diak kici hi. ZNC vai pen Zomi it takpi leh Zomi a ding bulphuh nasem ci in mi pawl khat in gen hi. Ahih hang in tua thu pen akigen na leh a sepna tawh kituak lo tawh a kibang pawl khat om hi. Tuate pen,

  1. CCJ Pawi lai (2010?) in Tedim gam sung ah moor accident ah Zomi tampi tak in a nuntakna bei lawh uh hi. ZNC party kipawlna pan in dahpihna, lungnoplona leh thu mal khat zong ginglo ci hi. A hi takpi mah hiam?
  2. Nung kum sung (2011) sung in Zogam ah kialpi tung in Zomi tampi in haksatna thuak uh hi. Tua hun lai in ZNC te kam khat zong paulo, a lai beek tawh zong gelh loh uh kici hi. A hi mah hiam?
  3. Nung kum sung mah in men cim in Tedim gam sung teng cimawh, inn kituah, buaina nakpi in om hi. Tua hun lai in zong ZNC pan in lai hi ta leh, sum leh paai, thatang hi ta leh bang mah kimu khalo, kiza khalo ci uh hi. Ahi takpi mah hiam?
  4. Kawlpi ah 2012 sung mah in Santhar han kituah ding vai om ci hi. Tua hun sung in zong ZNC pan in lai dal khat beek, a thu beek, a sum beek, kam khat beek khualna leh lunghihmawhna nei lo ci in kigen hi. Ahi mah ahi hiam? Gam le nam a ding a sem ding ZNC te pawl in bang mah a sep loh ciang in mipi kipawl in, biakna makaite tawh a vaihawm uh ciang in lem kik kici hi. ZNC in Zomi vai te a thudon hetlo mah ahi hiam?
  5. Zomi tampite tenna Kawlpi khuasung, vanleng tualpi keek nading in Zomi te inn tampi ki tuah ding kumpi in sawl hi.  Zomi leh Zogam a ding in sem ding akici ZNC in thu leh la, kam leh sum leh paai khat beek tawh zong amau husa ki za khalo kici hi. Ahi mah hiam?
  6. 2012 sung mah in, nung diak in Khalkha, Thantlang leh Tedim in DC a ngah theih nading in kumpi tung ah siau in, ngetna nei uh ci hi. Tua sung ah Zomi leh Zogam a ding in a vei akici ZNC te pawl kiang pan kam khat beek ki zakhalo, thu leh la beek tawh, lung hihmawhna phone khat beek ahi zong, sum leh paai leh thu leh la bang mah kiza kha kilkello kici. ZNC in Zomi leh Zogam bup vai thute a thudon ngeilo zeel pen ahi mah hi ding hiam?
  7. Tu laitak in zong min phuah kik nading tawh buai ci. Zomi leh Zogam vai bangmah hong van zo nai peuhmah lo uh ci in mipi in gen uh a, a diakdiak in a beisa 1990, ZNC hong om masak leh kiteelkik 2010 kikal pen gam hoihloh man leh, kumpi' hoihloh man in bang mah sem theilo uh hi. NLD zong tua bang mah hi. Ahi zong in 2010 ciang Kawl kumpi' kiteelna hong nolh uh hi. Pawl khat in ui lah hilo a luaksa nekik ci in, tutung kiteelna a lut kik ding zong a bang ci kawikawi zeel uh hiam kici hi. Zomi makai ding ci in tua bang in lungsim khel suk themthum, khel to kawikawi leng bang ci Zomi mipi in ki muang thei ding hiam?
  8. Kawlgam hoihloh man leh kumpite' kiciatloh man in ZNC in a beisa ah bang mah sem theilo in, thongtang cip bang in mawk om uh hi napi in, 2010 kit zong tua mah bang in tu dong mah bang ma sem tuan nailo (a tung a teng i et pak ciang) ci leng ZNC pen Zomi a ding, Zogam a ding in a kinlo, a thudonlo, Zomi bup vai a lungtu lo mah hiam, ahih kei leh a sem zolo uh hiam, ahih kei leh septheihna leh thuneihna a ngahlo uh ahi zaw ding hiam?

Views: 124

© 2017   Created by Zomi Social Network.   Powered by

Badges  |  Report an Issue  |  Terms of Service