UN ka ngah lai in lawmte' khat i huhna tawh ka ngah a, ka min ki banglo hi.

Zomi makai khat ka gen leh na ngahnate kiang ah gen kik in hong ci.

Tulaitak USCIS ah vai tampi hong om nawn in, lawmte khat leuleu in chu na leina makaite USCIS zum mangpite' tung ah, na ngah dan mah in gen in hon ci.

Tua bang om thei ding mo, ngaihsutna hon pia dih un?

Views: 240

Replies to This Discussion

Tulaitak US ah USCIS lung hihmawhna tumtuam tampi hong om hi.

Hih thu pen a theih nop huai thu khat hi. Ngaihsut ciat ding, kidop ding leh khua ngaih ding hun ahi hi.

Ahi zongin hih vai ah pilvang nading pawlkhat om hi.

  1. UN Card ka ngahna makaite' tungah genkik in hong ci...
    UNHCR ah Refugee na hihna pen Zomi/ Kawlgam mi makai khat peuh, kipawlna khat peuh i hong piak theih thu hilo hi. Community makaite in UNHCR Card hong pia theilo hi. Kua kua in hong huh a, bang ci dan lampi tawh na ngah ahi zongin, final decision a bawl pen UNHCR zum mah ahi uh hi. Tuate in OPE leh DHS/ USCIS te tawh ki thuza tuah in a maban zomto thei nahi hi.

    Tua ahih manin UN na ngahna pen kipawlna makaite' hong piak ahih loh mahbang in, na min gelh khialhte, thu leh la kibanglote makaite mawh puak thei ding hilo hi.

    A zenzen in USCIS zum mangpite' tung ah na tangthu ahi dan, na card ngah dan na gen hangin, hong umlo ding uh bek thamlo in, nangma lam pan zong lah theih ding (Evidence), sum piak simna, lei simna receipt cih bang lah ding omlo ahih manin, na community makaite buailo ding uh a, nang mah buai zaw ding nahi hi.
  2. UN Card ngah nading pen sum ki pia theilo, sum piak tawh ki ngah theilo a, lei theih ahih loh lam na theih kul masa hi. A zenzen in ka lei hi, tuanu, tuapa kiang pan ka ngah hi na cih leh na ngahna, ngahlam lah theih ding om hi tuanlo ahih manin nang mahmah zuau phuak na suak ding a, nang mah bek mah na buai zaw tham ding hi. Tua ahih manin na theih loh a om leh theilo, manghilh ta ingh, tel lian nawn keng ci a dawn ding ahi zaw hi.

    Nangma mawhna khat, midang khat mawh na suan sawm leh nang leh nang tuisa buak na suak zaw ding, nang leh nang a kizuak nahi zaw ding a, na mailam vai na buai lawh zaw ding hi.

  3. UNHCR Card na ngahna pen kipawlna makaite' piak hilo, amau zong nangma tangthu kem tuanlo uh ahih manin nang leh nang i ngaihsut tawm ding tute ahi zaw hi.

RSS

© 2018   Created by Zomi Community Network.   Powered by

Badges  |  Report an Issue  |  Terms of Service