Kawlgambup Zomi Siamsin Kipawlna i Zolai zuun nasepna khat ahi, Siamsin Media Group pan kihawm khia Zingsol Time Journal September kha ai ding Online pan kisim thei ta hi.

September nipi kal nih na sung in Zogam sung Tedim le Tonzang khua te ah kihawm ding hi.
Kawlpi le Yangon khuapi ah zong Siamsin te kiang pan kingah thei ta ding hi.
Tedim Township Education Officer Sia Pi Ngin Khan Khual vaihawmna tawh Tedim TEO zum tawh kizopna a nei Sang omna khua tuamtuam ah zong kihawm hi.

"Tutung issue ah Zomgam guahpi ciinna thu, GZA thu te tam kihel pen hi. A thu a kiza sa, online pan zong a ki sim khit sa vive ahih hang in, Zomi sung piang thu tuamtuam te zong laidal in taangthu ciaptehna ahih nading in hih bangin i theihsa thu mah hong suaksak hi ung. Online pan na sim khin phial zong in, laidal tawh a kihawm pen zong tha nong piak na ding un hong thum nuam ung." ci in Zingsol tanu khat ahi Tg. Sian Nun Siam in gen hi.

Zingsol a ngah nuam (akl) Advertisement tawh panpihna a pia nuam i om leh Lia Niang Sian Ciang Ph: 09 6504523 kiang ah thukizasak thei hi.

Zingsol Time Journal pen Zomi Siamsin Kipawlna, Mandalay pan Siamsin te vaihawmna tawh khasim in akibawl ahi a, Dal khat ciang 200ks man hi.

Lom13, Hawm 4 na September 2011

Views: 271

Reply to This

© 2017   Created by Zomi Social Network.   Powered by

Badges  |  Report an Issue  |  Terms of Service